2023-2024
ԴՊՐՈՑԱԿԱՆ ԲԱԺԱՆՈՐԴԱՅԻՆ ՀԱՄԱԿԱՐԳ
Ծրագրի նպատակն է ապահովել դպրոցականների մշակութային հաղորդակցության առաջնային իրավունքը՝ ստեղծելով նպաստավոր պայմաններ մշակույթի հասանելիության և մատչելիության համար, նպաստել հանրակրթության պետական չափորոշչով սահմանված առանցքային կարողությունների ձևավորմանը՝ դպրոցականների ազգային արժեհամակարգի և լայն աշխարհայացքի կայացման,ազգային և համաշխարհային մշակութային արժեքներին, ժողովրդական արվեստի լավագույն նմուշներին, դասական և ժամանակակից արվեստին հաղորդակցվելու միջոցով։
Ծրագրի շահառուներն են Հայաստանի Հանրապետության պետական հանրակրթական դպրոցների 1-12-րդ դասարանի աշակերտները։
Թատերական ներկայացման մասնակցությունն իրականացվում է հանրակրթության պետական չափորաշչի շրջանակներում՝ առարկայի կամ մի քանի առարկաների ուսումնական ծրագրին համապատասխան խաղացանկերի շրջանակում։
Կազմակերպության ընտրությունը կատարում են դպրոցները՝ ըստ ուսումնական ծրագրի թեմատիկ և տարիքային համապատասխանության։
ԱՅՑԵԼՈՒԹՅՈՒՆԸ ԹԱՏՐՈՆ ԻՐԱԿԱՆԱՑՎՈՒՄ Է ՀԵՏԵՎՅԱԼ ՍԿԶԲՈՒՆՔՈՎ․
- Թատրոններ այցը կազմակերպվում է դպրոցական ուսումնական ծրագրին համապատասխան խաղացանկերի շրջանակում։
- Թատրոնները համապատասխան խաղացանկերը հրապարակում են 3 ամսվա կտրվածքով՝ ծրագրի՝ տվյալ տարվա շրջափուլի մեկնարկից մեկ ամիս առաջ։
- Յուրաքանչյուր ներկայացման համար թատրոններն առանձնացնում են համապատասխան քանակությամբ նստատեղեր առնվազն 10 (տաս) տոկոսի չափով։
- Թատրոններ այցի ամրագրումը կատարվում է ներկայացումից առնվազն 20 օր առաջ։
- Թատրոններ այցը կարող է չեղարկվել ներկայացումից առնվազն 3 (երեք) օր առաջ։
ՕՐԻՆԱԿ
